ಸರಳ ಸಾಕಾರ ಮೂರ್ತಿ
ಸರಳತೆಯ ನುಡಿಗೆ ಸೋಪಾನವಾಗಿ
ಸುಖ ಜೀವನಕೆ ಶಾಂತಿ ಮಂತ್ರವ ಭೋದಿಸಿ
ಜೀವನದ ಸಾರಕೆ ಸೊಬಗ ತಂದವರೆ
ಸಾರ್ಥಕ ಬದುಕಿಗೆ ಸರಳ ಸೂತ್ರವ ಸಾರಿ
ಸರಳ ಸಜ್ಜನಿಕಗೆ ಸಾಕಾರ ಮೂರ್ತಿಯಾದವರೆ
ಶರಣ ಸಂತರ ವಚನವ ಬೆಳಗಿ
ಸಾಧು ಸತ್ಪುರುಷರ ಸಂದೇಶವ ಸಾರಿದವರೆ
ಮನುಜ ಕುಲಕೆ ದಿವ್ಯಜ್ಯೋತಿಯಾಗಿ
ಕೋಟಿ ಕೋಟಿ ಭಕುತರ ಹ್ರದಯದಲಿ
ನೆಲೆನಿಂತವರೆ
ಶಾಂತಿ ಸಹಬಾಳ್ವೆ ಸವಿಜೇನ ಬದುಕಿಗೆ
ದಾರಿದೀಪವಾಗಿ ಸಾಕಾರವಾದವರೆ
ಜ್ಞಾನ ಬುತ್ತಿಯ ಸುವಿಚಾರವ ಬಿತ್ತಿ
ಸದ್ದು ಗದ್ದಲವಿಲ್ಲದೆ ಸಿದ್ದೇಶನಾಗಿ
ಬಾನೆತ್ತರಕೆ ಬೆಳಗಿ ಜ್ಯೋತಿಯಾದವರೆ
ಪ್ರಶಸ್ತಿ ಪುರಸ್ಕಾರಗಳಿಂದ ದೂರ ಸರಿದು
ಜನಮಾನಸರ ಮನದಲಿ ಪುರಸ್ಕೃತರಾದವರೆ
ನಿಸರ್ಗದ ನಿಯಮಕ್ಕೆ ತಲೆಬಾಗಿ
ಶುಭ್ರತೆಯ ನಗೆಯಿಂದ ಮೆಲ್ಲನೆ ಮರೆಯಾದವರೆ
ನಿಮಗಿದೋ ಶಿರಬಾಗಿ ನುಡಿನಮನ.
–ಲಲಿತಾ ಪ್ರಭು ಅಂಗಡಿ.
ಮುಂಬಯಿ.