ವಿಶ್ವ ಭೂಮಿದಿನ
ಬ್ರಹ್ಮಾಂಡದಲಿ ಸ್ಫೋಟಗೊಂಡು
ಧೂಮ್ರವರ್ಣಿತಳಾಗಿ
ಓಂಕಾರನಾದಗೈದು ಸಪ್ತರ್ಷಿಗಳ
ಹೊಗಳಿಕೆಗೆ ಪಾತ್ರಳಾಗಿ
ಪೃಥಾಕಾಯಳಾಗಿ ಪೃಥ್ವಿಯೆನಿಸಿ
ಪರಮ ಪವಿತ್ರಳಾದವಳು //
ಅನವರತ ಅನುಕ್ಷಣವೂ ಅವನಿ
ಸುತ್ತುತ್ತ ರವಿಯಸುತ್ತುವಳು
ರಕ್ಷಣೆಗೆ ಅನಲ ಅನಿಲ ವರುಣ
ಸಹಾಯ ಮಾಡುತಿಹರು
ಎಲ್ಲದಕೂ ಗುರುತ್ವಾಕರ್ಷಣೆಯೆ
ಕಾರಣವಾಗಿದೆಯೆನುವರು//
ಕ್ಷಮಯಾಧರಿತ್ರಿಯವಳು ಬದ್ಧ
ಜೀವಿಗಳನುದ್ಧರಿಸುವಳು
ಆಹಾರಅನ್ನ ನೀರುನೆರಳು ಕೊಟ್ಟು
ಸಂರಕ್ಷಣೆಯ ಮಾಡುವಳು
ಬಂಗಾರಬೆಳ್ಳಿ ಖನಿಜಸಂಪತ್ತು ನೀಡಿ
ಸಂತಸದಿ ಬಾಳಿರೆನ್ನುವಳು//
ಕ್ಷಮಿಸಮ್ಮ ಪೃಕೃತಿಮಾತೆಯೇ ನಾವು
ಕೃತಘ್ನರು ಅಯೋಗ್ಯರು
ಜೀವನದಾತೆಯೇ ನಿನ್ನ ಉಪಕಾರ
ತೀರಿಸಲಾರದವರು
ಇನ್ನಾದರೂ ಎಚ್ಚರವಹಿಸಿ ಉಸಿರಿನ ಹಸಿರ ಸೆರಗುಹೊದಿಸೋಣ ಬನ್ನಿ //
–ಸೌ ಅನ್ನಪೂರ್ಣ ಸು ಸಕ್ರೋಜಿ ಪುಣೆ