ಗುರುವಂದನೆ ಅಭಿನಂದನೆ
ಅಕ್ಕರೆಯಿಂದ ಅಕ್ಷರ ಕಲಿಸಿದ
ಸಕ್ಕರೆಯಂತಹ ಶಿಕ್ಷಕವೃಂದಕೆ
ನಕ್ಕು ನಲಿಯುತ ಹಾಡಿ ಪಾಡುತ
ಕಕ್ಕುಲತೆಯ ಕರುಣಾಮೂರ್ತಿಗೆ
ಗುರುವಂದನೆ ಅಭಿನಂದನೆ ||
ಅಜ್ಞಾನದ ಅಂಧಕಾರವನೊಡಿಸಿ
ಸುಜ್ಞಾನ ಸುಧೆಯ ಹರಿಸಿ
ಶಕ್ತಿಯುತ ಸಾತ್ವಿಕ ತತ್ವವೇ ಗುರು
ಅಂತಹ ಗುರುವಿಗೆ ಗೌರವಪೂರ್ವಕ
ಗುರುವಂದನೆ ಅಭಿನಂದನೆ ||
ಅಕ್ಷರ ಕಲಿಸಿದ ಶಿಕ್ಷಕರು
ಅಕ್ಕರೆಯಿಂದ ಜೀನವನ ರೂಪಿಸಿ
ಚೆಂದದ ಬದುಕಿನ ಅಂದವ ಹೆಚ್ಚಿಸಿ
ಭವ್ಯ ಬದುಕಿಗೆ ನಾಂದಿಹಾಡಿದ ಶಿಲ್ಪಿಗೆ
ಗುರುವಂದನೆ ಅಭಿನಂದನೆ ||
ನನ್ನ ಗುರುವೆ ನನ್ನ ನಾಯಕ
ಕಲಿಸಿದರೆಮಗೆ ಜಯಿಸುವ ಕಾಯಕ
ದಡವ ಸೇರಿಸೊ ನಾವಿಕ
ಮಮತೆ ತೋರಿದ ಮಾಂತ್ರಿಕರಿಗೆ
ಗುರುವಂದನೆ ಅಭಿನಂದನೆ ||
–ಸವಿತಾ. ಮಾಟೂರ. ಇಲಕಲ್ಲ.