ದೇವನಾಂಪ್ರಿಯ ಪ್ರಕಾಶನ ಮತ್ತು ಓದುಗರ ಸಂಘ, ದ ಲಾಂಛನ ಬಿಡುಗಡೆ
ಪುಸ್ತಕ ಓದುವ ಸಂಸ್ಕೃತಿ ಹೆಚ್ಚಾಗಲಿ, ಪ್ರಕಾಶನ ಸಂಸ್ಥೆ ಹೆಮ್ಮರವಾಗಲಿ-ಪ್ರತಾಪಗೌಡ ಪಾಟೀಲ
e-ಸುದ್ದಿ ಮಸ್ಕಿ
ವಿದ್ಯುನ್ಮಾನ ತಂತ್ರಜ್ಞಾನ ಆವಿಷ್ಕಾರದ ಪ್ರಭಾವದಿಂದ ಪುಸ್ತಕ ಓದುವ ಸಂಸ್ಕೃತಿ ನಶಿಸುತ್ತಿದೆ. ಮತ್ತೆ ಎಲ್ಲರೂ ಪುಸ್ತಕ ಓದುವ ಜ್ಞಾನ ವಿಸ್ತರಿಸುವ ಕೆಲಸ ಹೆಚ್ಚಾಗಬೇಕೆಂದು ಮಾಜಿ ಶಾಸಕ ಹಾಗೂ ರಾಮಲಿಂಗೇಶ್ವರ ಸಹಕಾರಿ ಸಂಸ್ಥೆಯ ಅಧ್ಯಕ್ಷ ಪ್ರತಾಪಗೌಡ ಪಾಟೀಲ ಹೇಳಿದರು.
ದೇವನಾಂಪ್ರಿಯ ಪ್ರಕಾಶನ ಮತ್ತು ಓದುಗರ ಸಂಘದ ಲಾಂಛನ ಬಿಡುಗಡೆ ಮಾಡಿ ಮಾತನಾಡಿದರು. ಕಲ್ಯಾಣ ಕರ್ನಾಟಕ ಮತ್ತು ಕಿತ್ತೂರು ಕರ್ನಾಟಕದಲ್ಲಿ ಪ್ರಸಿದ್ದ ಪ್ರಕಾಶನ ಸಂಸ್ಥೆಗಳ ಕೊರತೆ ಎದ್ದು ಕಾಣುತ್ತಿದೆ. ಮೈಸೂರು ಮತ್ತು ಮಂಗಳೂರು ಭಾಗಗಳಲ್ಲಿ ಪ್ರಕಾಶನ ಸಂಸ್ಥೆ ಅಭಿವೃದ್ಧಿ ಆಗಿವೆ. ಆ ನಿಟ್ಟಿನಲ್ಲಿ ದೇವನಾಂಪ್ರಿಯ ಪ್ರಕಾಶನ ಹಾಗೂ ಓದುಗರ ಸಂಘ ಬೆಳೆಯಲಿ ಎಂದು ಆರೈಸಿ ಸಂಘದ ಸದಸ್ಯತ್ವ ಪಡೆದುಕೊಂಡರು. ದೇವನಾಂಪ್ರಿಯ ಪ್ರಕಾಶನ ಮತ್ತು ಓದುಗರ ಸಂಘದ ಸಂಚಾಲಕ ವೀರೇಶ ಸೌದ್ರಿ, ಪತ್ರಕರ್ತ ಇಂದರ ಪಾಷ ಇದ್ದರು.
(ಸದಸ್ಯತ್ವದ ಫಾರ್ಮ ತುಂಬುತ್ತಿರುವ ಮಾಜಿ ಶಾಸಕ ಪ್ರತಾಪಗೌಡ ಪಾಟೀಲ)
——-_—————————
ದೇವನಾಂಪ್ರಿಯ ಪ್ರಕಾಶನ ಮತ್ತು ಓದುಗರ ಸಂಘ ಉದ್ದೇಶ
ಪುಸ್ತಕ ಪ್ರಿಯರೇ ,
ಪ್ರಪಂಚವನ್ನು ಮನುಷ್ಯರು ಆಳುವುದಿಲ್ಲ. ಬದಲಿಗೆ ಅವರ ವಿಚಾರಗಳು ಆಳುತ್ತಿರುತ್ತವೆ. ಮನುಷ್ಯನ ಮನಸ್ಸಿನಲ್ಲಿ ಮೂಡುವ ವಿಚಾರಗಳ ಉತ್ಪತ್ತಿಗೆ ಜ್ಞಾನ ಮೂಲ. ಜ್ಞಾನ ದಾರ್ಶನಿಕರ ಅನುಭವದ ನುಡಿಗಳಿಂದ, ಇತಿಹಾಸದ ಘಟನೆಗಳಿಂದ ಭವಿಷ್ಯತ್ತಿಗಾಗಿ ಚಿಂತನೆ ಮಾಡಿದ ಪರಿಣಾಮ ವಿಚಾರಗಳು ಉಗಮವಾಗುತ್ತವೆ.
ಇತಿಹಾಸದ ಘಟನೆಗಳು, ದಾರ್ಶನಿಕರ ಅನುಭವದ ನುಡಿಗಳು, ಜೀವನ ಚರಿತ್ರೆ, ಜ್ಞಾನದ ಅವತರಣಿಕೆಗಳು ಪುಸ್ತಕ ರೂಪದಲ್ಲಿ ಇವೆ. ವಿಶೇಷವಾಗಿ ಕಲ್ಯಾಣ ಕರ್ನಾಟಕ ಮತ್ತು ಕಿತ್ತುರು ಕರ್ನಾಟಕದಲ್ಲಿ ಶರಣರು, ಸಂತರು, ಸೂಫಿಗಳು, ದಾಸರು ಆಗಿಹೋಗಿದ್ದಾರೆ. ಅವರ ಜ್ಞಾನದ ಖಣಿ ಅಖಂಡವಾಗಿದೆ.
ಪುಸ್ತಕ ಓದುವ ಹವ್ಯಾಸ ನಶಿಸುತ್ತದೆ ಎಂಬ ಭಾವನೆ ಮೂಡುತ್ತಿದೆ. ಅದಕ್ಕಾಗಿ ನಾವು ಮತ್ತು ಮಕ್ಕಳನ್ನು ಪುಸ್ತಕ ಓದುವ ಸಂಸ್ಕೃತಿಯತ್ತ ಮುಖ ಮಾಡಬೇಕಾಗಿದೆ. ಇಂತಹ ಸ್ಥಿತಿಯಲ್ಲಿ ಉತ್ತಮ ಪುಸ್ತಕ ಎಲ್ಲಿ ಸಿಗುತ್ತವೆ ಎಂಬ ಪ್ರಶ್ನೆ ಸಹಜ. ಉತ್ತಮ ಪುಸ್ತಕಗಳನ್ನು ನಿಮ್ಮ ಮನೆ ಬಾಗಿಲಿಗೆ ಮುಟ್ಟಿಸುವ ಯೋಜನೆ ತಯಾರಿಸಿದ್ದೇವೆ.
ವಾಸ್ತವದಲ್ಲಿ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಪುಸ್ತಕ ಪ್ರಕಾಶನ ಸಂಸ್ಥೆಗಳು ವಿರಳ. ಅದೇ ಮೈಸೂರು, ದಕ್ಷಿಣ ಕರ್ನಾಟಕ ಭಾಗದಲ್ಲಿ ಪುಸ್ತಕ ಪ್ರಕಾಶನ ಉದ್ಯಮದ ಸ್ವರೂಪ ಪಡೆದುಕೊಂಡಿವೆ. ಅಂತದೇ ಪ್ರಯತ್ನವನ್ನು ನಮ್ಮ ಭಾಗದಿಂದ ಸಹಕಾರ ತತ್ವದ ಆಧಾರದ ಮೇಲೆ ಈ ಸಂಸ್ಥೆಯನ್ನು ಸ್ಥಾಪಿಸಲಾಗಿದೆ.
ಸದಸ್ಯತ್ವದ ವಿವರ
ಈ ಕೆಳಗೆ ತೊರಿಸಿದ ಹಣವನ್ನು ಠೇವಣಿಯಾಗಿ ನೀಡಿ ಸದಸ್ಯರಾಗಬಹುದು. ಸದಸ್ಯರಾದವರಿಗೆ ಪ್ರತಿವರ್ಷ ಶೇ.೨೦ ರಷ್ಟು ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯದ ಪುಸ್ತಕಗಳನ್ನು ತಲುಪಿಸಲಾಗುವದು.
ಹೊರ ಹೋಗಲು ಅವಕಾಶವಿದೆ
ಸದಸ್ಯರಾದವರು ಎರಡು ವರ್ಷದ ನಂತರಸದಸ್ಯತ್ವ ಸಾಕೆನಿಸಿದರೆ ಸದಸ್ಯತ್ವವನ್ನು ಹಿಂಪಡೆಯಬಹುದು. ನೀವು ನೀಡಿದ ಹಣ ನಿಮಗೆ ಮರಳಿ ಕೊಡಲಾಗುವದು. ಸದಸ್ಯರಾದವರು ಕಡ್ಡಾಯವಾಗಿ ಎರಡು ವರ್ಷ ನಮ್ಮೊಂದಿಗೆ ಇರಬೇಕು.
ಲೇಖಕರಿಗೆ ಉತ್ತಮ ವೇದಿಕೆ
ಲೇಖಕರು, ಕವಿಗಳು, ಕತೆಗಾರರಿಗೆ ಇದೊಂದು ಉತ್ತಮ ವೇದಿಕೆ. ನಿಮ್ಮ ಬರಹಗಳನ್ನು ಪುಸ್ತಕ ರೂಪದಲ್ಲಿ ಪ್ರಕಟಿಸುವ ಮತ್ತು ಓದುಗರಿಗೆ ವಿತರಿಸುವ ಹೊಣೆ ನಮ್ಮದು.
*ನಮ್ಮೊಂದಿಗೆ ಕೈ ಜೋಡಿಸಿ*
ಸದಸ್ಯತ್ವದ ವಿವರ
೧) ಸದಸ್ಯರು
೨) ಗೌರವ ಸದಸ್ಯರು
೩) ಪೋಷಕರು
೪) ಮಹಾ ಪೋಷಕರು
ಸದಸ್ಯರಾಗಲು ಸಂಪರ್ಕಿಸಿ
ವೀರೇಶ ಸೌದ್ರಿ
ಸಂಚಾಲಕರು,
ದೇವನಾಂಪ್ರಿಯ ಪ್ರಕಾಶನ ಮತ್ತು ಓದುಗರ ಸಂಘ ಸಂಘ ಮಸ್ಕಿ
ಕರೆಗಂಟೆ- ೯೪೪೮೮೦೫೦೬೭