ಆ (ಕನಕ) ಕಿಂಡಿಯಲಿ

ಕವಿತೆ

ಆ (ಕನಕ) ಕಿಂಡಿಯಲಿ

e-ಸುದ್ದಿ, ರಾಯಚೂರು

ಭೂಮಂಡಲದೊಳಗಿನ
ಅಸಮಾನತೆಯ ಲಾವ
ಕುದಿಕುದಿದು ಭಕ್ತಿಯ
ಆಕರ್ಷಣೆಗೆ ಹೊರಬಂತು
ಆ ಕಿಂಡಿಯಲಿ

ಅಡಗಿದ್ದ ಸತ್ಯಕ್ಕೆ
ಹರದಾರಿಯಾಯ್ತು
ಅಡಗಿಸಿಟ್ಟವರ ಕುಲದ
ನೆಲೆಯ ಬುಡವ ಅದುರಿತ್ತು
ಆ ಕಿಂಡಿಯಲಿ

ಮೋಹನ ತರಂಗಿಣಿ
ರಾಮ ಧ್ಯಾನ ಚರಿತೆ
ಹರಿದಾಸ ಸಾಹಿತ್ಯ
ಹರಿದು ಬಂದಿತ್ತು
ಆ ಕಿಂಡಿಯಲಿ

“ನಾನು” ಹೋದರೆ ಹೋಗುವೆ
ಎನುವ ನಿಜವ ಹೊರ ತಂದಿತ್ತು
“ಬಾಡ” ದ ಕೀರ್ತನೆಗಳ ಮೋಡ
ಧಾರಾಕಾರವಾಗಿ ಸುರಿದಿತ್ತು ಧರೆಗೆ
ಆ ಕಿಂಡಿಯಲಿ

ಅದು ವಿಶ್ವದ ಯೋನಿ
ಪ್ರಸವವಾಯಿತು ಅಂದು ಅಲ್ಲಿ
ನವ ಚಿಂತನೆಯ ಚಿಗುರು
ಶ್ರೀಕೃಷ್ಣ ತಿರುಗಿದ ಬೆಚ್ಚ ಬೆರಗಾಗಿ
ತನ್ನ ಭಕ್ತನ ನೋಡಲು
ಆ ಕಿಂಡಿಯಲಿ

–ಡಾ ಸುರೇಶ ಸಗರದ
ಹೃದಯ ರೋಗ ತಜ್ಞರು
ರಾಯಚೂರು 9448139339