ಯಾಕೆ ನಗತೀಯ ಶಿವನೆ

ಯಾಕೆ ನಗತೀಯ ಶಿವನೆ

ನೀನೆ ಕೊಟ್ಟೆ ಆಕಾರ ಜಗಕೆ
ನಿನಗೇ ಆಕಾರ ಕೊಟ್ಟು ನಿಲ್ಲಿಸಿದೆ ಈ ಜಗ

ಪ್ರಾಣ ನೀ ಕೊಟ್ಟೆ ಶಿವನೆ
ಇಂದು ಪ್ರಾಣಪ್ರತಿಷ್ಟೆ
ನಿನಗೆ ಮಾಡತಿದೆ ಈ ಜಗ

ಇರಲು ಆಶ್ರಯ ನೀ ಕೊಟ್ಟೆ ಶಿವನೆ
ಇಂದು ನಿನಗೇ ಆಲಯಗಳಲಿ ಬಂಧಿಸಿದೆ ಈ ಜಗ

ಸಕಲಕೆ ಅನ್ನ ನೀ ಕೊಟ್ಟೆ ಶಿವನೆ
ಇಂದು ನಿನಗೆ ಬಟ್ಟಲುಗಳಲಿ ಅನ್ನವಿಟ್ಟು ನೀಡುತಿದೆ ಈ ಜಗ

ಏಕೆ ನಗುವೆ ಶಿವನೆ..
ನಾನೆಂಬ ಹಮ್ಮು ಅದನೂ ನೀನೆ ಕೊಟ್ಟೆ ಅಲ್ಲವೆ

ಹೊರಗೆ ಬೆಳಕನಿತ್ತು ಒಳಗೇಕೆ
ಕತ್ತಲೆಯನಿಟ್ಟೆ
ನನ್ನೊಳಗೂ ಇಳಿದು ಬಾ ಶಿವನೆ ಇಳಿದು ಬಾ….

ಸುನಿತಾ ಮೂರಶಿಳ್ಳಿ ಧಾರವಾಡ.9986437474