ಅರಳಿಕಟ್ಟೆ ಏಕೆ ಇರುತ್ತದೆ. ನಿಮಗೆ ಗೊತ್ತೇ?

ಅರಳಿಕಟ್ಟೆ* ಏಕೆ ಇರುತ್ತದೆ. ನಿಮಗೆ ಗೊತ್ತೇ?

ಪ್ರತಿ ಹಳ್ಳಿ ಹಳ್ಳಿಗೂ ಅರಳಿಕಟ್ಟೆ ಏಕೆ ಇರುತ್ತದೆ, ಇರುತ್ತಿತ್ತು, ನಿಮಗೆ ಗೊತ್ತೇ ? ಅದರ ವೈಜ್ಞಾನಿಕ ಹಿನ್ನೆಲೆ ಏನು ? ಪೂಜ್ಯ ಭಾವನೆ ಬರಲು ಕಾರಣವೇನು ?

ರಚ್ಚೆ ಕಟ್ಟೆ, ಜಗುಲಿಕಟ್ಟೆ, ನಾಗರಕಟ್ಟೆ, ಪಂಚಾಯಿತಿ ಕಟ್ಟೆ, ಅಶ್ವತ್ಥ ಕಟ್ಟೆ, ಹೀಗೆ ನಾನಾ ಹೆಸರಿನಿಂದಲೂ ಕರೆಯುತ್ತಾರೆ. ನಮ್ಮ ಪೂರ್ವಜರು ಇವುಗಳನ್ನು ಏಕೆ ಪ್ರತಿಷ್ಠಾಪಿಸಿದರು ? ಎಂದರೆ,

ಈಗಿನ ಕೊರೋನ ಎರಡನೇ ಅಲೆಯಲ್ಲಿ ಕೇಳಿಬರುತ್ತಿರುವ ಹೆಸರು *ಆಮ್ಲಜನಕ* ಆಕ್ಸಿಜನ್ O2 ದ ತೀವ್ರ ಕೊರತೆ ? ನಿಮಗಿದು ಗೊತ್ತೇ ?

ಅರಳಿಮರ ಅಥವಾ Ficus religiosa ಇತರ ಮರಗಳಿಗಿಂತಲೂ ಅತಿ ಹೆಚ್ಚು ಆಮ್ಲಜನಕವನ್ನು ಸರಬರಾಜು ಮಾಡುವ ಶಕ್ತಿಯ ಹೊಂದಿದೆ ಮತ್ತು ಗ್ರಾಮದ ಸುತ್ತ ಮುತ್ತಲಿನ ಗಾಳಿಯನ್ನು ಶುದ್ಧೀಕರಿಸಿ ಮತ್ತು ಗಾಳಿಯಲ್ಲಿರುವ ಸೂಕ್ಷ್ಮ ಕ್ರಿಮಿ ಕೀಟಗಳನ್ನು ಕೂಡ ನಾಶಪಡಿಸುತ್ತದೆ ಹಾಗೂ ಅತಿಹೆಚ್ಚು ಇಂಗಾಲವನ್ನು ಹೀರಿಕೊಳ್ಳುವ ಸಾಮರ್ಥ್ಯವೂ ಈ ಪಿಪ್ಪಲ ಮರಕ್ಕೆ ಇದೆ.

ಆದುದರಿಂದಲೇ ನಮ್ಮ ಪೂರ್ವಜರು ಪ್ರತಿ ಹಳ್ಳಿಯ ಹಾಗೂ ಊರಿನ ಆರಂಭದಲ್ಲಿಯೇ ಇವುಗಳನ್ನು ನೆಡುತ್ತಿದ್ದರು.

ಅವುಗಳ ಸಂರಕ್ಷಣೆ ಹಾಗೂ ಸುಸ್ಥಿರತೆ ಹೇಗೆ ?
ಈಗಿನ ಕಾರ್ಪೊರೇಟ್ ಸಂಸ್ಥೆಗಳ ಭಾಷೆಯಲ್ಲಿ ಹೇಳಬೇಕಾದರೆ Sustainability Plan ಅಥವಾ ಸುಸ್ಥಿರತೆ ಯ ಯೋಜನೆ ಏನಪ್ಪಾ ಅಂದ್ರೆ ?

ನಮ್ಮ ಬುದ್ದಿಜೀವಿಗಳಿಗೆ ಇದು ಮೂಡನಂಬಿಕೆ ಅನ್ನಿಸಬಹುದು, ಆದರೆ, ಅವರ ಯೋಜನೆಗಳ ಪರಿಸರ ಪೂರಕ ಮತ್ತು ಜನರಲ್ಲಿ ಆತ್ಮಸ್ಥೈರ್ಯ ತುಂಬುವ ಕೆಲಸ ಮಾಡುವಂತಹದ್ದು.
ಆಗಿನ ಕಾಲದಲ್ಲಿ ದೇವರಿಗೆ ಮತ್ತು ಪೂಜೆ ಪುನಸ್ಕಾರಗಳಿಗೆ ಹೆಚ್ಚು ಪ್ರಾಧಾನ್ಯ ಕೊಡುತ್ತಿದ್ದರು, ಹಾಗೆಯೇ ಭಯ ಭಕ್ತಿಗಳಿಂದ ದಾನ, ಧರ್ಮ, ವ್ರತಗಳ ಪಾಲನೆ, ನಂಬಿಕೆಗಳಿಂದ ಆಚರಿಸುತ್ತಿದ್ದರು. ಇವನ್ನೂ ಕಡಿಯಬಾರದು ಹಾಗೂ ಸಂರಕ್ಷಿಸಲು ದೈವತ್ವವನ್ನು ಆರೋಪಿಸುತ್ತಿದ್ದರು.

ಅದಕ್ಕಾಗಿಯೇ ಅಲ್ಲಿ ನಿರಂತರ ಪೂಜೆಗಳು, ನಾಗ ಪ್ರತಿಷ್ಠೆ, ಉಪನಯನ, ಮದುವೆ ಹೀಗೆ ಅನೇಕ ಆಧ್ಯಾತ್ಮಿಕ, ಧಾರ್ಮಿಕ ಆಚರಣೆಗಳನ್ನು ಮಾಡತೊಡಗಿದರು. ಹಾಗೆಯೇ ಹೋಮ ಹವನಗಳಿಗೆ ಉಪಯೋಗಿಸುತ್ತಿದ್ದರು. ಅದರ ಹಿಂದಿರುವ ಅದರ ವೈಜ್ಞಾನಿಕ ಕಾರಣ ಮೈ, ಮನ ಮತ್ತು ಮನೆ ಶುದ್ಧೀಕರಣವೇ ಆಗಿತ್ತು.

ಸಂತಾನಭಾಗ್ಯವಿಲ್ಲದವರಿಗೆ ಯಾರು ನೋಡದ ಹೊತ್ತಿನಲ್ಲಿ ಹೋಗಿ ಪ್ರದಕ್ಷಿಣೆ ಹಾಕಿ ಎಂದು ಸಹ ಹೇಳುತ್ತಾರೆ, ಅದರ ಹಿಂದಿನ ರಹಸ್ಯ ಬೆಳಿಗ್ಗೆ ಸಮಯದಲ್ಲಿ ಅತಿ ಹೆಚ್ಚು ಪ್ರಾಣವಾಯು ದೊರೆತು ಮತ್ತು ಪ್ರದಕ್ಷಿಣೆಯಿಂದ ವ್ಯಾಯಾಮವಾಗಿ, ಬೊಜ್ಜುಕರಗಿ ಸಂತಾನೋತ್ಪತ್ತಿ ಅಂಗಗಳು ಚುರುಕಾಗುತ್ತದೆ ಹಾಗೂ ಮನಸ್ಸಿಗೂ ಹಿತಕರವೆನಿಸುತ್ತದೆ. ಹಾಗೆಯೇ ರಾತ್ರಿ ಹೊತ್ತು ದೀಪ ಹಚ್ಚುತ್ತಾರೆ, ಏಕೆಂದರೆ, ಅಲ್ಲಿ ದೀಪವಿದ್ದರೆ ಇದು ದೇವರಕಟ್ಟೆ ಎಂದು ಮಲಗುತ್ತಿರಲಿಲ್ಲ, ಹಾಗೂ ಹಿಂದಿನ ಕಾಲದಲ್ಲಿ ಹೆಚ್ಚು ಜನ ನಡೆದೇ ಅಥವಾ ಬಂಡಿಗಳಲ್ಲಿ ಊರೂರು ಸಾಗುತ್ತಿದ್ದರು, ಆಗ ಅಲ್ಲಿ ಜನ ಮಲಗಬಾರದು ಎಂದೂ, ಅರಳಿಮರವು ರಾತ್ರಿಯ ಹೊತ್ತಿನಲ್ಲಿ ಹೆಚ್ಚು ಇಂಗಾಲವನ್ನು ಉತ್ಪಾದಿಸುತ್ತದೆ. ಇದು ವಿಶ್ರಮಿಸುವ ಜನರ ಉಸಿರಾಟ ಸಮಸ್ಯೆ ಉಂಟಾಗಬಾರದು ಎಂಬುದೇ ಇದರ ಹಿನ್ನೆಲೆ.

ಪ್ರತಿಯೊಂದು ಆಚರಣೆ ಹಿಂದೆ ಯಾವುದೋ ಒಂದು ವೈಜ್ಞಾನಿಕ ಕಾರಣ ಇದ್ದೇ ಇರುತ್ತದೆ, ಒಂದು ಬಹು ಮುಖ್ಯ ಸಲಹೆ, ಯಾರಾದರೂ ಯಾವುದೇ ಆಚರಣೆ ಮಾಡುತ್ತಿದ್ದರೆ, ಅದು ಯಾವುದೇ ಧರ್ಮದವರಾಗಿರಲಿ, ಅವರ ಆಚರಣೆ ಇನ್ನೊಬ್ಬರಿಗೆ ಮತ್ತು ಪರಿಸರಕ್ಕೆ ತೊಂದರೆ ಆಗುತ್ತಿಲ್ಲ ಎಂದಾದರೆ ಅದರ ಬಗ್ಗೆ ಮಾತನಾಡುವುದು, ವಿರೋಧ ಬೇಡ ಬದಲಾಗಿ ಅವುಗಳನ್ನು ಗೌರವಿಸಿ, ತಾವುಗಳು ಕಳೆದುಕೊಳ್ಳುವುದು ಏನೂ ಇಲ್ಲ.

ಒಟ್ಟಾರೆಯಾಗಿ ನಮ್ಮ ಪೂರ್ವಜರು ನಮ್ಮ ಹಾಗೇ ಡಿಗ್ರಿಗಳು, ಪಿಎಚ್ಡಿ ಗಳು ಹೊಂದಿರಲಿಲ್ಲ. ಅವರಿಗೆಲ್ಲ ಇದ್ದದ್ದು *ಸಾಮಾನ್ಯ ಜ್ಞಾನ ಮತ್ತು ಪ್ರಜ್ಞೆಯ ಜೊತೆಗೆ ವೇದ, ಗ್ರಂಥ, ಗಿಡಮೂಲಿಕೆ ಶಾಸ್ತ್ರ, ಪಥ್ಯ ಇತರೆ ಅಧ್ಯಯನಗಳು* ಅವರು ಅನುಭವಗಳಿಂದ ಅತಿ ಹೆಚ್ಚು ಕಲಿಯುತ್ತಿದ್ದರು ಬಹು ಮುಖ್ಯವಾಗಿ ಅವರೆಲ್ಲರೂ ಪರಿಸರದ ಜ್ಞಾನ ಮತ್ತು ಪ್ರಾಮುಖ್ಯತೆಯನ್ನು ತಿಳಿದಿದ್ದರು. ಹಾಗೆಯೇ ಅವನ್ನು ಮುಂದಿನ ಪೀಳಿಗೆಗೆ ಒಂದೊಳ್ಳೆ ಜೀವನವನ್ನು ಕೊಟ್ಟು ಹೋಗುತ್ತಿದ್ದರು. ಆದರೆ ನಾವು ಅವರ ತದ್ವಿರುದ್ದ ನಡೆ, ವಿಚಾರಗಳಿಂದ ನಾವು ಪರಿಸರದ ಜೊತೆ ಸಾಗುತ್ತಿಲ್ಲ ಬದಲಾಗಿ ಅದರ ವಿರುದ್ದ ಆಧುನಿಕತೆ ಎಂಬಂತೆ ಸಾಗುತ್ತಿದ್ದೇವೆ, ಇದರ ಪರಿಣಾಮವೇ ಇಂದು ಕೊರೊನಾ ಗೆ ಇನ್ನಿಲ್ಲದಂತೆ ನಲುಗಿದ್ದೇವೆ. ಇನ್ನಾದರೂ ನಾವು ನಮ್ಮ ಆಚಾರ ವಿಚಾರಗಳಿಗೆ ಹಾಗೂ ಪರಿಸರಕ್ಕೆ ಬೆಲೆ, ಲಾಲನೆ ಪಾಲನೆ, ಸರಳ ಜೀವನ ಶೈಲಿಯ ಮಹತ್ವ ಕೊಡದಿದ್ದಲ್ಲಿ ನಮ್ಮ ಅಳಿವು ಶತಸಿದ್ಧ.

–ಅಂಕುಶದೊಡ್ಡಿ ಶ್ರೀವಾಮದೇವ ಶಿವಾಚಾರ್ಯರು